Masibheka ukuthi okungenani kunomvuzo ophindaphindwe kali 10 kuso sonke isbusiso ngalenyanga, izinsuku ezingama 30 zika Ramadan zizolingana nokuzila izinsuku ezongama 300 – izinyanga ezili 10 lezo. Ukuzila izinsuku eziyisi 6 ku Shawwal kube sekuthathwa njengokuzila izinsuku ezingama 60 – izinyanga ezi 2 lezo. Lokho-ke kube sekulethela lowo ozilile izibusiso zokuzila unyaka ogcwele. Lowo owenza lokhu minyaka yonke, afane nomuntu ozila impilo yakhe yonke.

Noma kuwukuvontiya ngokwendalo, umvuzo walomzamo mkhulu kabi. Lezi zinsuku ungazizila zilandelana noma uzigqagqanise inqobo nje uma iyothi iphela inyanga ka Shawwal, nazo zibe seziziliwe zaphelela.

Eminye yemivuzo yokugcina ukuzila lezinsuku eziyisithupha zenyanga ka Shawwal yiko ukuthi zikhokhela amaphutha noma ukuphazamiseka okwenzeke ekuzileni okuwumgomo. Kuwuphawu lokwamukeleka kokuzila komuntu ngo Ramadan nophawu lokuzibophezela ekuqhubekeni nezenzo ezinhle.